Libète pa ou

Publié le par Tilou

Paske mwen vle konnen
Kijan ou ye, eske ou byen,
Pake mwen gen pwoblèm
Lè mwen pa wè w, l’è w pa avè m’
 
Ou di ke se kòmsi ou santi w nan prizon,
Ke pou libète ou mwen tounen yon pwazon.

Paske mwen fè ou wè
Sa mwen panse ak sa mwen kwè,
Paske m’ vle nou pale
De jan pou n’ ye ak pou n’ pa ye,

Ou di ke se kòmsi ou santi w nan prizon,
Ke pou libète ou mwen tounen yon pwazon
 
Pou tout bagay sa yo m’ ap mande ou padon.
O mèt ale, kouri, vole kou papiyon
E jou w a vle tounen, w a fè sa lè ou vle
Paske m’ pap la ankò. M’ ap gentan deplase.

leaudevie
26 mars 2006

Publié dans Poèmes

Commenter cet article